政情：公民講場：游梁回水「93」變「89」梁君彥講錯數

青年新政游蕙禎、梁頌恆嘅立法會議員資格司法覆核案終極上訴失敗，立法會正式向兩人追數。身兼立法會行政管理委員會主席嘅立法會主席梁君彥（Andrew）話，立法會將去信游、梁，分別向兩人追討八十九萬元議員薪津。咦？早前明明已經講過，游、梁每人需向立法會回水九十三萬元，兩人合共一百八十六萬元，點解最終又會少咗呢？原來係Andrew講錯。睇嚟下次Andrew要準備張貓紙照讀至得喇。