政情：今日你上鏡：鄺葆賢10號波落區 戴定頭盔

有「黃埔之花」稱號嘅九龍城區議員鄺葆賢，尋日喺社交網站上載咗一張自己戴淺色頭盔嘅相，仲着住件紅色嘅風褸，睇嚟好明顯係要喺風暴下落區嘞！鄺葆賢亦都寫咗幾個hashtag「用生命落區好似係」、「打十號風其實有啲亂係好正常」、「小心安全」，而喺回應網友時更話「吹到要貼住嚟行」。睇嚟佢有可能係喺正十號風球嘅時候落區，周圍咁多冧樹，真係戴個頭盔安全啲嘅。不過，鄺葆賢仲留言話，自己買個頭盔唔係諗住咁用，唔知佢本身諗住點用呢？