前日青嶼幹線推行雙向收費，搞到大塞車，返工返學遲晒大到，市民怨聲載道，班立法會議員更加鬧爆政府喺未建好收費亭就強推呢項措施，仲要追究運輸及房屋局局長陳帆嘅責任。陳帆自知孭晒鑊，尋日即刻補鑊，喺大嶼山繳費廣場往機場方向加開多兩條繳費通道，先令到交通回復暢順，呢次只係塞咗一日，都算佢係執番身彩嘞！之不過，今次事件暴露咗政府搞電子繳費不力，仲畀學者批評不思進取添，唔知陳帆點拆招呢？
