新獲聘老師：事件僅冰山一角

由教育局委任的興德校董雷其昌表示，暫未知有多少人申請應徵興德學校校長職位，但相信此一職位具挑戰性，不少人會有興趣，又指校方已成立由十多人組成的校長招聘委員會，重點考量應徵者有否能力平衡原有的兩派老師。

冀校政管理會去蕪存菁

其中一名從事教育十多年、新加入興德的王姓老師認為興德事件「唔係話好差，同行都聽過唔少，今次只係叫做所有人都知道！」認為教育局插手是一個轉機，相信學校將來發展正面。另一名於事件曝光後才入職、任教數學及體育的張栢良坦言「我自己有小朋友，都諗如果佢喺度讀會有咩感受，所以希望幫到手」，直言未碰過類似興德的情況，「未見過有咁多校董會喺開學前同老師見面」，相信事件後校政管理會去蕪存菁。

部分原有老師選擇留任，其中已在興德任教一年的簡子詠稱不曾有離職念頭，「覺得做好自己，所以影響不大」。同樣選擇留任的羅美儀亦稱「但冇理由丟低學生唔理，做老師都係照顧學生為主，其他交畀學校負責！」

至於校監鍾佳榮被指監管不力，辦學團體校董陶滿權無回應會否罷免他，只稱「唔敢話佢失職，但做得好就唔會出現今日嘅事」。