《國產凌凌漆》入面，周星馳畀人追條過夜數，有句對白係咁嘅：「叫雞唔使畀錢呀？」嗱嗱嗱，現實中真係有人叫雞唔畀錢，仲要攞菜刀斬人添。邊個咁沙膽？咪就係姦淫擄掠樣樣齊嘅假難民囉。
話說日前有位非洲聲請漢喺油麻地廟街嫖妓但拎唔出錢，結果被鳳姐請食閉門羹，佢老哥唔係知難而退，反而老羞成怒擸菜刀亂咁舞，仲傷及無辜添，如果唔係警方及時擎槍出「椒」將佢制服，搞出人命都有之。
即係咁，廟街出晒名係九反之地，加埋假難民大軍壓境，簡直衰多兩錢重。正如街坊話齋，涉及假難民嘅案件愈來愈多，唔係開片就係晒馬，唔係販毒就係打劫，唔驚就假。區議員亦話，西九龍嘅持械暴力案件不斷上升，相當大部分都關假難民嘅事，單靠警方加強巡邏治標唔治本，強烈要求港府立即停止接收假難民。
冇錯嘞，港府一味效婦人之仁根本唔係辦法，惟有徹底切斷假難民來港誘因，退出國際難民公約，對佢哋即捕即解，咁先係正路，呢個亦係《東方》發揮第四權、為民喉舌嘅一貫主張。大家有眼見，假難民根本唔會知足，來港打黑工已算小兒科，更多係黐埋黑社會作奸犯科，無惡不作，今次冇錢嫖妓被拒就周街斬人，點知下次又會搞邊科呀，年前德國科隆除夕性侵事件震驚世界，咪就係難民欲求不滿惹的禍囉，香港會唔會變成咁，冇人講得埋o架。
咁當然，蔫豬頭都有盲鼻菩薩，立法會議員張超雄同埋人權組織頭頭鄧美晶，咪就係逐臭之夫囉。張議員唔抵得《東方》揭露假難民亂象得到社會支持，出言嘲諷立法會同僚不如成立「東方之友小組」；而鄧美晶就仲誇張，誣衊《東方》種族歧視，公然燒報紙。你話喇，佢哋兩個手指拗出唔拗入，假難民之父之母呢個朵，係咪當之無愧吖？
嗱，事實勝於雄辯，去年涉及刑事罪行被捕嘅非華裔人士超過四千七百人，呢個治安大毒瘡唔除，遲早變成社會癌症都似；至於港府用於假難民嘅開支，一個年度就高達十四億元，十年即係過百億元。試諗吓，呢啲錢如果用喺醫療、扶貧、安老，已經可以解決唔少問題，張議員同鄧女士若然真係咁愛心爆棚，好應該自己出錢出力出地方養起佢哋，使乜一味慷納稅人之慨吖！
一日都係港府無能，司法縱容，呢啲政治小丑先至可以肆無忌憚助紂為虐。話時話，針唔拮到肉唔知痛，如果下次假難民又有呢方面需要，擸埋菜刀去搵呢兩位仁兄仁姐解決，唔知佢哋仲會唔會發揮大愛精神以身飼狼呢？