香港眾志秘書長黃之鋒、主席羅冠聰及學聯前秘書長周永康三人，日前遭高等法院上訴庭改判監禁六至八個月，上訴庭喺判詞中話，香港近年瀰漫歪風，一啲有識之士鼓吹「違法達義」，擺明係講緊港大法律系副教授戴耀廷等佔領行動發起人。戴耀廷尋日出席電台節目時仲嬉皮笑臉駁嘴，話自己冇任意叫人違法，態度似足隔岸觀火。佢仲扮可憐話，自己因發起佔領行動而有案件在身，估計好大機會被判入獄。不過咁，佢自己想入獄就入喇，當初點解要煽風點火、誤人子弟呢？
