政情：細個喺屋企搞垃圾分類 陳智思囝囝志願搞環保

爸爸尊重同支持

陳智思表示，囝囝細個已經對環保有興趣，更加會身體力行喺屋企搞垃圾分類，洗衫時就會用少啲添加劑嘅洗衣液，陳智思都好配合。不過當佢第一次聽到囝囝嘅志願時，都覺得愕然，但諗深一層就認為要尊重，唔可以睇小個仔嘅志向，因為做環保可以改變香港同世界咁話，呢個爸爸果然開通！

而陳智思有咁嘅諗法，可能都同佢個人經歷有關，事關佢係讀藝術，畢業之後曾經好介意畀人知，因為覺得其他人會當佢只識畫畫而鄙視佢。不過依家佢都好大方公開講，間中都仲會畫畫作樂，當減壓咁話。