政情：幾時帶議員內訪？聶德權：皮球不在我方

將徵業界對大灣區意見

三耳局長話未來兩至三個星期會透過各政策局徵詢相關業界對大灣區嘅意見，再向國家發改委反映，又話喺未來嘅日子，佢會較多喺內地唔同地方作相關嘅訪問，因為畢竟係新一屆政府，而佢亦係新接任呢個崗位，負責內地事務，局方有好多機會同其他省市合作，好似大灣區等，所以會花時間喺呢方面。

被問及日後會唔會帶議員內訪，佢就話若果有唔同黨派嘅議員願意同內地交流，佢願意協助，但又話「皮球不在我方」，需要視乎議員嘅意願，所以佢喺未來日子會繼續同唔同黨派議員溝通了解，保持呢方面嘅聯繫。