「熱烈地彈琴熱烈地唱，歌聲多奔放，個個喜氣洋洋……」又係時候請小鳳姐出場喇！
因乜解究打鑼打鼓咁開心？事關喺佔領運動充當漢奸黎「私人保鏢」嘅郭紹傑，已經被所屬嘅港九拯溺員工會掃地出門，最衰佢老哥唔係立法會議員或者區議員，如果唔係實有市民拉大隊去佢辦事處開香檳贈興！
工會聲明係咁講嘅。郭紹傑喺任職理事期間，於領取工傷下高調參與社會運動，違反公務員政治中立原則，引起大部分會員不滿；加上佢早前經勸喻後仍多次未經批准聲稱代表工會受訪，決定永久刪除其會員資格，即日生效。消息喺臉書一出，網民讚好之聲不絕，有人話終於撥亂反正，可喜可賀，亦有人形容係「遲來的正義」。
郭紹傑當年以「跌斷鎖骨」為由請病假，嗰頭走去做漢奸黎私人保鏢，期間鬼打冇咁精神，周不時搬枱搬鐵馬雜物，仲充任佔中糾察、推撞對方陣營、擒拿個別人士樣樣齊，橫睇掂睇都唔似病人。對於被質疑騙取病假，郭紹傑一味耍無賴，話如果違規，一早已經被檢控判刑喎。條友面皮成尺厚，唔甘心被踢出會，於是乎倒打一耙，聲稱工會被「赤化」及「藍絲化」，懷疑有外來政黨滲透，會上訴同諮詢法律意見云云。
即係咁，拯溺員工會作為「黃底」組織，成員撐佔中一啲都唔出奇，之但係被指一邊放病假一邊瞓身搞運動，咁就唔係政治立場咁簡單，而係大是大非嘅誠信問題。大家有眼見，康文署轄下救生員三日唔埋兩日野貓式罷工，仲要專門揀正泳季高峰期或者節假日發難，市民已經(興)過辣雞，工會再佗住郭紹傑呢件「負資產」，盞更加失民心嘅咋！
呢嗱，今年六月全港多個泳灘因為救生員當值人數不足而暫停救生服務，郭紹傑當時拿拿臨貢個頭出嚟接受傳媒訪問，預計行動將會繼續，點知轉個頭工會就發表澄清聲明，強調郭紹傑已經唔係理事，言論唔代表工會立場，可見工會清理門戶，早就有迹可尋。
當然喇，掃地出門對於有啲人嚟講，可能根本無關痛癢，頂多冇咗個平台也文也武咁解啫，反正鐵飯碗仍在，其他乜都係假。話時話，康文署查郭紹傑涉嫌詐領病假，依家有乜下文？對住漢奸黎及其黑金豢養嘅無良政客，就話投鼠忌器啫，唔係連漢奸黎嘅「家奴」保鏢都冇符啩？
講起跟漢奸黎搵食，有網民揶揄郭紹傑「唔使怕，實有嘢撈，可跟肥佬去執豬雜」。計功夫茶話齋，漢奸黎家陣自身難保，連淫媒員工都要賣落妓寨，有人一旦打爛飯碗，睇怕都要食自己咯！