棕櫚硬脂清極都未清完，市民鬧爆環境局局長黃錦星同運輸及房屋局局長陳帆辦事不力，而有環團尋日得到海事處回覆，指洩漏棕櫚硬脂嘅船係巴拿馬註冊油輪，有團體用Google Map輸入坐標發現，撞船位置係大嶼山以南，距離香港水域邊界只差四公里，批評港府沿用大陸通報地域字眼「珠江口」發生撞船，誤導巿民撞船位置同香港有一定距離。既然有團體挑機，陳帆應該要清楚交代撞船嘅正確位置，咪以為可以瞞天過海呀！
