本港土地供應不足，影響公屋同私樓落成量。身兼房屋委員會委員嘅民主黨立法會議員尹兆堅（肥尹）話，如要實現公屋三年上樓目標，唔可以「擠牙膏」方式供應，必須大規模發展新市鎮，例如發展棕地。不過當政府提出新界東北發展，以及橫洲公屋計劃時，肥尹就一時話政府收地做得唔好，一時話點解唔搞呢幅地先，諸多理由反對，甚至喺立法會投反對票。肥尹講就天下無敵，到落手時就大大力自打嘴巴，叫市民點信佢講嘢呢？
