中環出更：文裕明研派人以公屋聯會參選

公屋聯會前主席王坤多年嚟一直避免沾上政治色彩，雖然聯會成員嚟自多個政黨，但王坤一直刻意與之保持距離。擔任主席三個月嘅文裕明認同聯會唔應該歸入某一政黨，但又唔能夠離政治核心太遠，所以正考慮派人掛上聯會自家牌頭，參選區議會同立法會選舉，以保持對政策嘅影響力。

不過聯會進軍選舉有兩大難題，其中之一係議題狹窄，只有房屋政策。文裕明就話唔怕，因為立法會新丁議員朱凱廸喺選舉中淨係打土地議題，亦以「票王」贏得議席，所以佢認為只要議題夠鮮明，有信心爭得一席位。

暗示鎖定出戰新東新西

文裕明又話，未來唔少公共屋邨都位於新界，有好大潛力發展，暗指或出戰新界東同新界西。其實本身係荃灣區議員嘅文裕明，亦係新界社團聯會一員，如果佢本人或者聯會派人喺新界區出戰立法會，唔知新社聯會唔會提供協助呢？

卓妮