政情：公民講場：輪公屋人數爆燈 張炳良幸及早抽身

公屋輪候時間再創新高，平均要等四點七年先可以上樓，遠遠拋離政府三年上樓嘅承諾，要實踐呢個承諾好似變咗不可能的任務，想拉番近個距離都好難。仲記得張炳良早前講唔續任運輸及房屋局局長時，坦言見到公屋輪候上樓時間喺自己任內突破四年半，感到挫敗，點知離開官場後，輪候時間更長，睇嚟張炳良離開官場嘅決定係啱嘅，否則見到公屋輪候時間愈嚟愈長，只會覺得更加挫敗，繼續畀市民鬧爆。