政情：13著作送立會 邵家臻想立此存照
立法會內都有圖書館，不時都會新增圖書，七月份嘅新書目啱啱公布，除咗一啲年報以外，有七十二本新書，當中逾六分一，即十三本新書嘅作者係立法會社會福利界議員邵家臻，難道邵家臻最近出了很多本新書？
主要係社會科學書籍
七十二本新書包括歷史、社會科學、政治等多個種類，而邵家臻嘅十三本著作主要係社會科學類嘅書，包括有關文化研究同青年嘅作品。邵家臻回覆時話，自己喺三數個月前將作品送去立法會圖書館，新書舊作都有。
送咁多書係咪因為有好多議員問佢攞書，所以索性放入圖書館畀佢哋借呢？邵家臻就話「梗係唔係啦」，只係議員生涯浮生若夢，將書送去圖書館，算係立此存照。咁睇嚟，邵家臻或者可以考慮同放喺圖書館嘅作品合照，畀自己留念呀！