政情：陳沛然做議員 當返大學一樣
今屆立法會新丁、醫學界議員陳沛然（Pierre）已經擔任議員十個月，很多人都問佢做議員有乜嘢體驗？Pierre就以大學生活比喻立法會嘅工作，形容立法會大會就係大學課堂，內務委員會同財務委員會就係導修課，而各事務委員會同法案委員會就係選修科。不過，佢似乎就講漏咗議員都會「走堂」，缺席立法會嘅會議。
聯署開記招 變「興趣小組」
Pierre喺網誌上以大學生活嚟形容立法會工作。出任議員除咗要到立法會「上堂」外，Pierre又喺網誌話，立法會亦有好多「課外活動」，例如足球隊、探訪壁屋懲教所、視察三跑道系統項目填海工程同港珠澳大橋等。至於「遊學團」就有議員外訪以色列，以及早前嘅考察東江水。佢更將議員嘅聯署行動、召開記者會等比喻成「興趣小組」添！
如果要問Pierre最喜歡嘅「課外活動」係乜嘢？相信必定係足球嘞，事關佢都係「波牛」。