環境局副局長謝展寰早前巡視受棕櫚硬脂污染嘅海灘後，話棕櫚硬脂唔係有毒物質，即食麵都有棕櫚油，即刻惹來外界批評。謝展寰尋日同傳媒會面時強調無意淡化事件，話自己只係直腸直肚，只係因為留意到即食麵嘅成分先至會咁樣講，外界嘅反應亦令佢上咗寶貴一課，日後唔會再用食物去做比喻喎！問責官員正正就係要做政治工作，如果講嘢咁唔敏感，五年流流長真係有排捱，你估直腸直肚就可以隨口噏當食生菜，食完自動排出體外咩！
