「女大十八變」呢句說話雖然有啲老土，但卻係道出事實，事關女性隨住年齡增長，愈嚟愈有魅力，好似南韓模特兒林敏英正係一個好例子，從純情樸素嘅少女，變成美艷動人嘅輕熟女，令男士們着迷傾倒。
唔少女性總係希望一夜變成女神，但係除咗要有出眾嘅外形，氣質亦相當重要，而呢點亦非任何化妝品可以營造出嚟。出生於南韓首爾嘅林敏英，喺2008年出道，以攝影模特兒嘅身份而備受大眾注目，事關佢不但擁有清純嘅氣質，前凸後趷嘅身材更係相當養眼，不過由於當時佢走純情少女形象，故此火辣身材並唔係佢嘅賣點。隨住人氣不斷提升，及後佢以車模身份喺釜山國際汽車展上登場，須知道車模嘅造型相當性感，而天生一副魔鬼身材嘅佢，喺超性感嘅車模制服襯托下，誘人嘅曲線成為展場上其中一個焦點，尤其係佢激凸嘅上圍，更成為攝影師爭拍嘅地帶。
成功喺車模界踏出第一步嘅佢，冇耐又喺首爾舉辦嘅大型電玩展中亮相，呢次佢化身性感Show Girl，憑住迷人嘅身段加上親切嘅鄰家女孩氣質而爆紅，喺網絡上人氣急升。當佢喺攝影模特兒界及車模界打穩陣腳之後，終於踩入賽車女郎界，於首爾舉辦嘅一級方程式南韓站賽事中，以性感賽車女郎造型示人，冇幾耐佢更成為賽車隊伍嘅專屬模特兒。
甫出道就已經喺攝影模特兒及車模界取得亮麗嘅成績，其後喺賽車女郎界佔上頂尖席位，而林敏英最大嘅變化唔單止外形變得成熟，更由純情氣質變得美艷動人。唔少人以為呢種變化好正常，皆因女性喺唔同年齡會散發出唔同嘅氣質，不過呢種講法用喺敏英身上並唔恰當，事關佢嘅變化卻係用心經營嘅成果。據佢講出道幾年之後，有感自己嘅形象僅限於純情路線，而觀眾總會對佢有睇厭嘅一日，為咗帶畀大家新鮮感，同時為未來模特兒工作鋪路，於是佢決定改變形象，有感自己身材頗為出眾，因此佢不斷吸取美艷前輩嘅優點，慢慢令自己嘅氣質改變。
呢種做事認真態度，其實早喺佢投身模特兒界前已經開始，畢業於南韓大真大學嘅佢，擁有經濟學學士學位，而佢嘅夢想係成為一位銀行家，不過喺一次偶然機會下接觸到模特兒工作，令佢對呢行產生極大嘅興趣。做任何事都相當認真嘅佢，覺得相對比較易行嘅從商路，模特兒工作卻有着好多未知之數，所以佢經過深思熟慮才決定入行，並視為終身職業，正因為咁嘅緣故，佢對於工作認真得嚟近乎有啲執着，與此同時，佢亦希望自己未來嘅模特兒工作有更好嘅發展。
簡介：唔少人總以為林敏英最迷人嘅地方，必然係心口一對胸器，其實佢唔單止外形吸引，美艷嘅氣質更係令人百看不厭。呢位女神級模特兒，原來係一位孝順女，每當有時間就會陪家人去旅行，咁貼心嘅女神，試問有邊個會唔鍾意吖？如果大家想了解佢多啲，就要Click入呢個網睇睇喇！
網址：http://cafe.daum.net/purely-my
出生地：首爾
身高：173cm
三圍：35、24、36
撰文：魂