教聯會前副主席蔡若蓮出任教育局副局長已成事實，但民主派仍然咬住唔放，好似蒼蠅咁摟住晒，香港眾志秘書長黃之鋒不斷質疑蔡若蓮會推行赤化工程，而立法會議員葉建源尋日又話除咗教聯會外，冇任何一個有代表性嘅團體對任命表示歡迎，甚至有團體對佢提出負面嘅批評，仲話如果要扭轉對蔡若蓮嘅睇法，對方必須要喺行動上證明能夠公平持平，遵守專業原則同香港核心價值。咁咪係囉，要喺行動上證明都要時間o架，唔通返兩日工就有表現咩？講都冇人信喇！
