人稱「黃衞兵」嘅黃之鋒最愛胡攪蠻纏，讀書少廢噏多，搞到自己好似神枱貓屎——神憎鬼厭，每次現身都被民眾視為過街老鼠。佢嗰個乜鬼「香港中箭」最近仲因小學雞羅冠聰被ＤＱ而斷了米路，十多個助理失業，缺水之下惟有乜都反一餐，無非想吸睛博曝光，希望籌多點錢吊住條命，是以便借勢反對蔡若蓮做教育局副局長！
呢位「思想家」權威式咁話：如林鄭月娥仍堅持任命蔡，特首嘅蜜月期會立即終結。呢招「叼着喇叭敲大鼓——自吹自擂」真有廢青特色，以為關起門來做土皇帝，凡事自己說了算，特首任命個副局長，唔通仲要三跪四叩請示你批准？難怪有網民睇唔過眼，指出政府有吸納張炳良、羅致光等泛民前科。泛民不應因蔡若蓮政治立場不同，而反對政府用人。呢班小學雞將仇共當道理，為反而反，簡直不知所謂！
一班小學雞仲話蔡若蓮「冇料」，真係超低能勁搞笑，唔該睇吓人哋嘅履歷先啦！講個《伊索寓言》畀呢班井底蛙聽：五種競技的人，平常因為缺少勇氣，被城市的人非難，暫時出外旅遊。過了些時回來，又大吹大擂說在其他城市如何神勇地競賽；在羅陀斯地方，跳到好遠，沒有一個奧林匹克選手及得上。他繼續吹噓：那裏在場的人都可以為他作證。當時在旁的一個人喊道：喂！老友，假如這是真的，你也不要甚麼見證，因為這裏就算是羅陀斯，你跳好了！
寓言明顯嘲笑那些愛說謊吹牛的，決不可能採取行動。光說不練的人，牛皮吹的大小儘管不同，但其吹牛則一。黃衞兵之流，當然不知前賢所說的變化乃天道，教人善變以應天；既然身為過街老鼠，要避免人人喊打，理應匿藏坑渠，唔好出來招搖撞騙，否則後果堪虞，到時後悔便太遲。港人要社會安寧，應聚焦民生經濟而非胡攪蠻纏，小學雞不變而逆天，唯一可能就係自招滅亡。