政情：趣怪麥美娟 髮型屋拍片講古
立法會議員麥美娟（Alice）日前喺社交網站Facebook上載咗一條短片，見佢同葵青區議員譚惠珍喺髮型屋着住剪髮袍傾偈，聽清楚啲，原來係講緊古仔，憶述佢哋成功爭取嘅青衣西南康體大樓終於啟用。
不過，點解會走咗去髮型屋取景呢？Alice話，呢間髮型屋同康體大樓只係相隔五分鐘路程，當日佢去幫襯時撞到譚惠珍，兩人傾起多年前已開始爭取喺青衣增設室內泳池，今次大樓終於設有室內暖水池。見到多年嘅努力成真，難怪佢哋咁興奮，所以就臨時決定拍短片同網友們講吓古仔。佢仲乘機提醒大家，呢個暑假有時間就應該去做吓運動，話依家咁近就有場地，無藉口偷懶喇！