政情：成田候機返港游梁閃閃縮縮
因宣誓爆粗辱華而被取消立法會議員資格嘅青年新政游蕙禎和梁頌恆，早前赴日本出席一個反華組織舉辦嘅研討會，被指再度唱衰中港。有關報道刊出後，尋晚有讀者向我哋爆料，話喺成田機場目擊游蕙禎同梁頌恆兩人準備搭飛機返港。
從讀者提供嘅相片所見，戴上太陽眼鏡嘅梁頌恆同游蕙禎喺成田機場美食街內晚膳，而另一幅相片則見游蕙禎獨自企喺候機室內一角，挨喺柱邊，讀者形容佢喺候機期間全程左閃右避，怕被乘客認出。
其實游、梁亦曾去過台灣出席講座播獨，但被取消議員資格後就鮮有現身，游蕙禎早前去七一遊行都閃閃縮縮避開傳媒。莫非兩人知道今次赴日唱衰中港會惹嚟市民不滿，故出入低調行事？