政情：公民講場：一地兩檢遇拉布 靠個信字好難搞

廣深港高鐵香港段一地兩檢倣效深圳灣模式嘅方案惹起爭拗，運輸及房屋局前局長張炳良尋日出席電台節目時就話，對於部分人擔心實行一地兩檢會損害一國兩制，亦有意見憂慮內地人員會跨境執法，認為一地兩檢主要涉及信任問題，而法律主要係技術問題。其實佢只係講咗個重點，就係信任問題，但就冇講到點解決，即係講咗等於冇講，若果班反對派喺立法會拉布拉垮咗，花逾八百億元興建嘅高鐵就變咗廢鐵。