政情：今日你上鏡：歐陽伯權拒答做財爺傳聞

新一屆問責官員已經塵埃落定，但之前一大堆名字滿天飛，包括嶺南大學校董會主席歐陽伯權曾被傳係財政司司長人選之一，佢尋日出席一個頒獎禮後被問到到底有冇曾獲邀出任財爺，佢就大耍太極，先哈哈大笑，然後話「唔好講有冇發生，歷史嚟o架啦」，被再三追問下，佢笑指「你同特首傾啦，多謝」。被問係咪因為已退休，若有機會都唔想出任政府工作，佢就話「咁我退咗休，不過你知我對香港好關心嘅，咁所以任何機會或者可以幫……」然後佢架車就到咗，離開之前，始終冇直接答到有冇獲邀，但以上答案，大家各自各解讀啦！