政府早前拋出新嘅教育開支方案，立法會議員張國鈞尋日喺教育事務委員會上，提出以委員會名義去信財委會，建議將教育措施撥款優先審議，以趕及新學年落實，點知財委會主席陳健波就話申請撥款嘅次序一向由政府決定，立法會唔應該干預政府嘅排序。身為行政會議新貴嘅張國鈞，竟然搶喺教育局局長楊潤雄之前去做嘢，就好似皇帝唔急太監急咁，仲要冇晒規矩亂咁嚟，唔撞牆先奇喇！
