政情：容海恩楊岳橋湊B踢晒腳
話說立法會議員容海恩同楊岳橋，早前應邀體驗作為聾啞父母嘅日常生活同點樣照顧子女，容海恩尋日喺Facebook（Fb）自爆瘀事，話當日照顧小朋友唔單止手忙腳亂，更因為唔知道小朋友因為「大事」而感到唔舒服，搞到不知所措，最後要靠真‧媽咪打救，令人啼笑皆非。
唔識搞「大事」 真媽媽出手
容海恩尋日喺Fb上載咗幾張照顧小朋友嘅照片，又貼文話同楊岳橋一齊照顧聾啞人士嘅兩名小朋友，更指佢哋作為湊仔新手，照顧兩個小朋友嘅過程手忙腳亂，因為怕小朋友喺佢哋聽唔到嘅情況下發生乜嘢意外，只能一秒都唔放鬆，（目及）實小朋友。
佢仲自爆中途發生咗一段小插曲，話佢哋唔知道小朋友因為「大事」而唔舒服，搞到不知所措，最後仲要靠真‧媽咪打救，令人啼笑皆非咁話。可能因為體驗到照顧小朋友係幾咁辛苦，容海恩仲話返屋企即刻錫錫媽咪添！