廣深港高鐵香港段「一地兩檢」方案一直只聞樓梯響，不過尋日就有政府高官明言「確實會喺好快」交代，令「一地兩檢」方案嘅進展開始明朗。「一地兩檢」涉及複雜法律問題，亦引起港人對跨境執法嘅疑慮，呢個燙手山芋的確唔容易處理，對新任運輸及房屋局局長陳帆嚟講，更可以話係上任後嘅考牌戰，唔怪得陳帆早前出席立法會會議時，已形容處理「一地兩檢」為「非常硬嘅硬仗」。陳帆咁早就大打開口牌作預告，似乎係想戴定頭盔，為大眾做好期望管理喇。
