《水滸傳》裏面「拚命三郎」石秀大罵梁中書︰「你這與奴才做奴才的奴才」，大快人心。漢奸黎食洋主子狗餅，甘做外國人奴才；記協食漢奸黎狗餅，就係「與奴才做奴才的奴才」。至於一向陰陽怪氣嘅《明報》，同走狗記協一唱一和，為壹淫媒緩頰護航，自然亦屬於「奴才的奴才」之流。
話說記協早前發表所謂言論自由年報，對《東方日報》舊年一篇有關內地女律師王宇嘅報道說三道四，指手畫腳，遭各界炮轟干預編採自主，「走狗、喉舌」罵聲此起彼落。《明報》日前報道相關新聞時，將對《東方》嘅內容放喺文章較前嘅顯眼位置，至於記協回應壹淫媒外判方案部分，就放置喺報道最後一段，輕輕帶過；漢奸黎粗口辱罵及涉嫌恐嚇本報記者，更加隻字不提，擺明玩雙重標準。
有學者就講得啱嘞，《明報》未有堅守傳媒中立原則，放大報道針對《東方》內容，反而壹淫媒「假自僱、真裁員」外判方案對傳媒生態影響更大，佢哋就冷處理，分明就係助紂為虐。再講吖，《明報》自己報道錯漏百出，刊登「更正與澄清」當食生菜，連報頭「公信第一」嘅招牌都靜雞雞「自我搣柴」，仲好意思對同行評頭品足，究竟知唔知個「醜」字點寫？
大家有眼見，記協年報年年報喪，唔係香港言論空間收窄，就係新聞自由受壓，聳人聽聞，不過淨係睇反中亂港傳媒可以繼續煽風點火，港獨分子可以繼續肆無忌憚播毒，就知記協根本喺度廢噏。當然喇，記協年報嘅讀者根本唔係市民，亦唔係同業，而係向外部勢力及漢奸黎等幕後老闆交差。天下沒有免費嘅狗餅，走狗為求飽餐，難免要上竄下跳，落力表演一番。
係人都知，《東方》一向係洋奴賣港賊嘅眼中釘，肉中刺，漢奸黎指使走狗記協做打手針對《東方》，一啲都唔出奇。特別係家陣主人後欄着火，旗下員工發起工業行動在即，更係走狗發揮看家護院作用之時。記協呢個時候抹黑《東方》，無非係旨在轉移視線，減輕主子承受嘅壓力啫。
至於《明報》無事生非差隻腳埋嚟，其實一啲都唔出奇，正所謂物以類聚，狗以群分。《明報》為壹淫媒曲線護航，積極加入反《東方》大合唱，咁就足以證明，記協係走狗兼打手，《明報》則係漢奸黎同道中人，彼此沆瀣一氣，狼狽為奸，根本就係外部勢力呢根爛藤上結嘅三顆毒瓜。
不過漢奸走狗無論搞幾多陰謀詭計都係嘥氣，《東方》浩然正氣，從來不信邪更不怕邪，牛鬼蛇神始終難逃「搗亂，失敗；再搗亂，再失敗，直至滅亡」嘅可恥下場！