政情：有相為證：比利時撒尿小童 騎呢唐裝為港贈興

布魯塞爾日前為再次着上香港服裝嘅撒尿小童舉辦揭幕儀式，以配合香港回歸。佢哋為噴泉銅像着上配有特區飛龍圖案嘅黑色唐裝、牛仔褲，同埋紅鞋。而為咗顯示香港係科技驅動嘅城市，小童更攞住平板電腦撒尿，認真騎呢！

好彩撒尿小童只會着住呢套香港服裝一天。政府新聞處仲話，呢套香港服裝係由香港駐布魯塞爾經濟貿易辦事處喺二○一二年年送畀布魯塞爾市。