政情：姚銘墮網騙 冇咗成千蚊
網上同電話騙案手法層出不窮，最常見就係假扮事主親友呃錢。雖然警方已經多番作出呼籲，但仍然有人中招，好似北區區議員姚銘早前就中招，好彩涉及金額唔大。
因為契媽通訊帳戶被入侵
姚銘話早前喺一個內地通訊軟件上收到「契媽」嘅訊息，聲稱需要金錢應急，佢二話不說利用該軟件即時過錢。直到有日見到契媽喺Facebook上通知親友，指其內地通訊軟件帳戶被入侵，姚銘先知自己中咗招，好彩佢個帳戶只有小量金錢，最終只係被騙一千蚊，有位受害者被騙走過萬元添！
姚銘嘅契媽向該軟件客戶服務中心求助後，大部分受害者都拎得番錢，但係姚銘因為受騙金額唔多而追唔番，都唔知佢被騙一千蚊算係好彩定唔好彩，不過最緊要都係親友平安無事啫！