中環出更：佔中黑手逍遙 袁國強楊家雄空談法治
律政司司長袁國強及刑事檢控專員楊家雄尋日出席檢控周開幕儀式，兩人於活動上大談法治，又力撐檢控人員。然而佔領行動發生至今，仍未檢控包括壹傳媒黎智英在內的三十九名佔中搞手，睇嚟兩人嘅言論與現實並不相符。
指同事面對不必要批評
袁國強辯稱，市民不應以定罪率去判斷檢控人員表現及刑事司法制度，又稱同意近年檢控同事面對唔少壓力嘅說法，因檢控人員或會面對語言或其他暴力行為，以及不必要嘅批評，直言為佢哋不值，因為佢哋嘅表現係盡力及專業，聽落好似幾悔氣咁。
至於楊家雄就話，作檢控決定只會考慮證據、法律及檢控守則，而所有檢控決定均難以解釋清楚，因為牽涉到有關人士嘅私隱而受到不少掣肘，希望社會能夠明白、信任及支持，所有檢控目的均不涉及政治考量。兩人講到七情上面，但事實係佔中搞手至今仍未「落鑊」，實在難以令人信服囉！
卓妮