小吉是一名記者，負責採訪本地要聞。
「咦，晏啲可能打風喎，你要出去採訪呀？」黃經理問小吉。
「係呀，個風來勢洶洶，睇怕8號都走唔甩啦！你知啦，打風例牌都要去碼頭採訪o架嘛！」小吉答。
黃經理說：「既然係咁，我就畀啲當年我採訪十號風球嘅心得你啦！一般來講，打風時應該避免喺河流或低窪地區逗留，要遠離岸邊。但係我哋因工作需要，所以喺呢啲較高風險的地方更要做足安全措施！」
「知道經理！除咗樹木同旗杆容易被雷擊之外，我哋手持嘅收音咪亦因為形狀細長及導電而有一定風險。所以一收機就最好留在鋼筋混凝土建成的堅固建築物上層暫避。」小吉說。
黃經理補充：「時代真係進步啦，想當年喺郊區躲避雷電時，我哋要抱頭蹲下同埋盡量緊貼雙腳以減少與地面接觸的位置及面積。」
小吉道：「經理有寶貴經驗分享又點同呢！不過，話時話，攝影組不時要手持攝影機同反光板，搬抬當風物件要注意唔好逞強！另外，上個月公司派咗頂新嘅安全帽連Y形帽帶畀我哋，今日用得着囉！」
「講起公司，我哋為員工在颱風及暴雨警告下訂立工作安排。除工作地點外，仲考慮埋往返工作途中的安全問題，公司的政策一向採取彈性的處理手法，在可行情況下，管理層、員工及客戶應該保持聯絡，互相諒解！」經理說。
「明白晒！黃生你真係一個關懷後輩的好上司！」小吉感激地說。
職業安全健康局
www.oshc.org.hk