喺全城鬧爆下，食環署前日終於跪低，撤控紙皮婆婆。有退休嘅前線主管尋日打上電台話有清潔同小販兩組負責類似檢控，但權力唔同，惟小販組就必須指婆婆係小販，所以先發生「一蚊交易」事件，之後亦有現任前線主管強調前線人員有執法責任，「同情不能放在前頭」，應該一視同仁。跪低咗仲要死撐，睇嚟仍然唔知衰，但值得關注嘅係，無論退休或現任主管都話署方應該修例，咁即係話混亂情況存在已久，署長劉利群就當唔知、睇唔到，乜都唔做，所以先搞出今次個大頭佛出嚟喇！
