政情：傻大姐容海恩 做新民黨副主席
立法會議員田北辰今年四月退出新民黨，令該黨其中一個副主席席位懸空。新民黨尋日舉行第七次周年會員大會，並通過由該黨沙田區議員潘國山、以及立法會議員容海恩（Eunice）出任副主席。之不過，Eunice經常被人批評不懂民情，傻更更咁，連蛋撻皮都分唔到，佢係咪真係立法會同黨務都兼顧到呢？
新民黨尋日舉行周年大會，接納及通過執委會二○一五年至二○一六年年度報告，並通過選舉二○一七至二○一九年中央委員會委員共三十七人，主席會繼續由該黨立法會議員葉劉淑儀擔任，而Eunice同潘國山兩個就出任副主席。
被批不懂民情 唔識分蛋撻皮
其實Eunice過往經常被批評不懂民情，好似有一次落沙田講共享單車，被問到區內邊度有牙籤樓，佢竟然口啞啞，答唔出，一味講話只係講共享單車。跟住又自爆係「宅女」鍾意打機，但又話怕畀人覺得佢打得唔夠叻，所以唔敢去網吧，已經畀人笑；最爆笑嘅係佢有次畀蛋撻考起，唔知道蛋撻有分牛油皮同酥皮，佢竟然反問牛油皮同酥皮係咪一樣。
佢成個傻大姐咁，依家剩係應付立法會嘅工作都咁吃力，做埋副主席要兼顧埋黨務，真係不堪設想。