綠色先鋒：設開冷氣約章 全家齊節能
如果使用了各種環保小方法，仍難抵酷熱，需開冷氣消消暑，又如何可以開得更環保？綠惜地球總幹事劉祉鋒建議，每個家庭都可設定「開冷氣約章」，列明晚上超過多少度才開冷氣，又可設定時間掣，縮短開冷氣的時間。
「好多香港人慣咗收工返屋企，就即刻開冷氣，咁做絕對唔環保。」劉祉鋒指，市民從街外返回家後，可以先沖涼，洗走身上暑氣，再視乎情況決定是否需要開冷氣。另外，每個家庭都可訂定「開冷氣約章」，「例如熱過幾多度先開，如果大家仲未瞓，就淨係開廳個部冷氣，而唔係大家各自匿喺自己房度開冷氣。」
調校時間掣 善用風扇
他續指，現時大部分冷氣功率高，「即開即凍」，睡前才開啟，亦可享受涼快舒適的睡眠，「如果冷氣有時間掣功能，亦都可以好好利用，例如第二朝七點要起身，可以預校至大約五點半熄冷氣，餘涼夠用之外，亦都減低瞓過龍唔知醒嘅機會。」
另外，即使開了冷氣，室內亦可能會出現部分地方較凍，角落地方卻較熱的情況。面對這種情況，只把冷氣溫度調低未必有效，反而在開冷氣時同時開風扇，利用風扇把冷氣均勻送到室內各個位置，比單單調低冷氣溫度，更能夠節省能源。