李漢奸在一個論壇批評現時特區政府中，沒有官員敢為維護一國兩制中的高度自治權而發聲。之不過，聽其言觀其行，李漢奸講來講去三幅被，歪理當正義，緬懷殖民統治時代的「光輝歲月」，一副奴才相令人作嘔，更說：過去有彭定康、陳方安生發聲，依家有邊個？
喺李漢奸眼中，「敢言者」只有「千古罪人」彭定康和「民主阿婆」陳方安生？香港有今日嘅亂局，真係要多得埋下無數政治地雷嘅末代港督肥彭；至於民主阿婆，在位時唔見佢對民主有建樹，下台後卻咬住長糧周圍唱衰香港，咁嘅「香港良心」真係諷刺！更埋漢奸黎堆，唯恐香港不亂。難怪李漢奸以佢哋為榮，烏蠅崇拜蚊子，沆瀣一氣也。
香港今日之亂，明顯係「搞事四人幫」嘅「傑作」，漢奸黎旗下嘅爛果報長期站在反中亂港第一線，鼓吹佔領行動無所不用其極，市民有目共睹，無數「密室會議」，漢奸黎在其住所指點江山。佔領行動落幕之際，李漢奸等人坐在漢奸黎側，呢幅群丑拱衞圖可謂深入民心。香港之所以亂成一鑊泡，明明係你哋呢班反中亂港分子搞出嚟嘅，如今北大人要撥亂反正，李漢奸卻指中聯辦「激發港獨主張」。
李漢奸一味靠嚇，說甚麼「希望中共領導人不要支持人大釋法常規化，否則只會推翻香港法制，嚴重破壞香港法治精神」，但老朽只覺得破壞法治嘅係支持「違法達義」嘅佔中者，明明係自己不珍惜「一國兩制」，搞到香港雞毛鴨血，卻反過來把矛頭指向「一國」，如此潑皮無賴，老朽想起《水滸傳》裏的牛二，此人之潑皮，當時京師的人一見到他就大叫：快避，大蟲來了！牛二的特點就是不講道理，胡攪蠻纏，把無賴當作武器，總之死皮賴臉，輸打贏要。李漢奸、漢奸黎相濡以沫，搞人攪局無賴當武器，但請記住：出得嚟行，遲早要還！