廣深港高鐵香港段預計喺明年第三季通車，但一地兩檢問題仍未解決，爭拗不斷。基本法委員會委員饒戈平尋日話，一地兩檢唔存在藉機將內地相關法律喺香港全盤使用，呼籲香港市民唔使「自己嚇自己」。反對一地兩檢立場鮮明嘅立法會議員楊岳橋，曾經用「削肉還母、削骨還父」嚟形容西九龍高鐵總站撥出地方設立內地邊境檢查站，呢種畫面都幾嚇人，唔知饒戈平係咪講畀楊岳橋聽呢？
