政情：今日你上鏡：星星買新風扇氹老婆

酷熱天氣又嚟，好多人都鍾意開冷氣消吓暑。早前喺一個活動見到環境局局長黃錦星（星星）及政治助理區詠芷。星星一向係慳電之人，唔知大熱天時，佢係咪都選擇開風扇，唔開冷氣呢？佢就話即使係夜晚瞓覺都唔開冷氣，會盡量開風扇，不過太太相當醒瞓，屋企嗰把風扇用耐咗，難免會有啲聲響，為免嘈醒太太，所以最近特登買咗把靜啲嘅風扇。咁又係，星星一向鍾意同前天文台長林超英鬥慳電，如果唔想鬥輸，就要氹掂太太支持先得o架！