安仔是一名物流公司的新入職員工，隨着節日臨近，訂單數量大增，安仔的工作開始忙碌起來。今天安仔送貨完畢，操作按鈕收起貨車尾板，欲探頭查看車斗為貨物位置作最後檢查。車隊隊長健哥經過，即刻喝止叫道：「安仔！停呀！」
安仔驚訝地問：「咩事呀健哥？」
健哥說：「你做咩做啲咁危險嘅動作呀！尾板郁緊嗰時，千祈唔好伸個頭入車斗。咁會令身體夾喺尾板同車斗中，舊年有位行家，想收起貨車尾板時，畀尾板夾着頭部，送院搶救後證實不治。」
安仔問：「原來咁危險？」
健哥解釋道：「係呀，唔安全使用貨車尾板真係好危險。其實依家有唔少措施可以有效預防貨車尾板意外。例如：尾板頂部的尾板閃燈、尾板與車斗中間位置的防夾腳裝置和尾板上的觸覺式裝置，都有助提醒及避免操作者操作尾板時被夾傷。另外，操作的過程中要提防周圍環境，千祈唔好畀人走近尾板與車尾之間的閉合夾口。上落貨時尾板要保持完全打開或關閉。如需檢查車斗，就要將尾板保持在完全打開和靜止的狀態。仲有，記得同貨車司機保持有效溝通。萬一尾板或其安全裝置有故障，就要即時停止操作，向公司匯報啦。」
安仔好奇問：「健哥，點解你知道得咁多？」
健哥：「我之前上過職安局的『安全使用貨車尾板』課程同埋睇熟勞工處出版的《預防被貨車尾板夾傷的危害安全指引》。」
安仔點頭道︰「等我返屋企即刻下載有關資料睇吓先，謝謝健哥的提醒！」
職業安全健康局
www.oshc.org.hk