何俊賢斥泛民不敢鬧「金主」
【本報訊】立法會昨日繼續辯論由二十八名民主派議員提出的彈劾特首梁振英議案，對於議員劉小麗在發言時曾指本港新聞自由已跌到第七十三位，漁農界議員何俊賢在發言時就提及早前壹傳媒黎智英恐嚇東方報業集團旗下記者一事，更質問泛民主派議員：「你有冇鬧過（黎智英）？」更批評劉小麗談新聞自由是「見到水就抽」。
「黎智英籮柚唔摸得o架」
何俊賢及後再批評民主派「一句都冇鬧過（黎智英）」，指「金主（黎智英）嚟o架嘛，點鬧啫，冇得鬧o架嘛，係咪先」。對於民主黨議員黃碧雲以「核心問題碰不得、老虎屁股摸不得」，來批評政務司司長張建宗處理梁振英的處事手法，何俊賢就把有關句子改成「特首張櫈摸不得、屁股又摸不得」，甚至再改成「黎智英嘅籮柚都唔摸得（口架）」，和代入泛民角色：「因為我（泛民）驚佢（黎智英）搞我」，以諷刺泛民未有批評黎智英恐嚇記者的做法。
至於有關彈劾議案，人民力量議員陳志全批評梁振英與周浩鼎在調查UGL事件上合演「陸（689）鼎（周浩鼎）記」鬧劇，而自由黨議員鍾國斌亦批評梁振英無盡快「認衰」平息事件，變相幫民主派儲足「彈藥」。議案最終在功能界別十一票贊成，廿二票反對；地區直選十七票贊成，十二票反對下，在分組點票下被否決。其中有五名建制派議員無投票，包括田北辰、葉劉淑儀、謝偉俊、鍾國斌及梁志祥。