食物及衞生局尋日宣布兩項政策維持現狀，首項係表明無意修訂一三年開始實施嘅「限奶令」，即出境人士只能攜帶最多兩罐奶粉嘅措施；另一項係討論多時嘅活家禽未來路向，當局宣布維持活家禽業現狀，即街市繼續有活雞售賣。其實政圈一直盛傳食衞局局長高永文唔會過渡至新政府，高永文領導嘅食衞局於一日內宣布兩項備受關注嘅政策不變應萬變，莫非係為咗無風無浪離開「熱廚房」鋪路？
