香港近年樓市「辣招」有增無減，但樓市升浪持續，未見明顯降溫，最新數據更顯示，今年四月樓價已遠高於九七年高峰期嘅水平，有立法會議員尋日獻計，希望政府「減辣」或放寬按揭成數，另有建議未來發展新市鎮時推出限購政策，財政司司長陳茂波（波叔）回應時表明唔撤「辣招」，又唔評論會否實行樓市限購政策，佢講得最清楚就係提醒市民置業時要衡量潛在風險，就咁睇，當局一時三刻似乎無乜新招應對，普羅市民嘅置業上車夢，只可以繼續望天打卦等運到！
