政府尋日公布可持續大嶼藍圖，以「北發展、南保育」方針發展大嶼山，兩年前時任發展局副局長馬紹祥曾大力推銷嘅水療設施、觀星設施等計劃不知所終。土木工程拓展署署長林世雄被問到當初係咪「太大諗頭」時辯稱，經公眾諮詢同研究後，認為有關計劃可行性低，所以作罷。唔通已升任局長嘅馬紹祥及時任局長陳茂波，只係發夢時見到水療設施，就拋出天馬行空嘅計劃畀大家高興吓？
