政情：各級法院定罪率大跌 指袁國強要問責 江樂士無講明具體個案 不明所以

反映檢控質素下降

江樂士指出，雖然個別刑事檢控可能因種種理由而失敗，唔可能做到百分百定罪，但整體而言定罪率應能維持喺某個水平，唔會大起大落；然而喺二○一六年，各級法院嘅定罪率突然一同顯著下跌，其中高等法院定罪率由一五年嘅近六成九，大跌至去年嘅大概五成六；區域法院由一四年嘅八成九，大跌至去年嘅七成三；裁判法院舊年的定罪率更跌至只得四成九，係一三年以來首次低於五成，情況令人憂慮。

江樂士認為，各級法院嘅案件定罪率齊聲下跌，反映律政司嘅刑事檢控質素下降，主因係當局自○八年起，就停止招聘法庭檢控主任，改為大量將案件外判有關。佢認為，袁國強作為律政司首長，必須為上述嘅情況負上個人責任。

江樂士口口聲聲話檢控質素及定罪率下降，但就講得唔清唔楚，無講明具體個案，實在不明所以。究竟佢係咪想講同違法佔中案件有關？