政情：公民講場：美食車選址差Greg蘇當耳邊風

拍過鬼片嘅藝人谷祖琳經營嘅甜品屋，亦喺美食車開業前放棄經營。商務及經濟發展局局長蘇錦樑（Greg）尋日回應話政府一直有同經營者溝通，會繼續改善計劃，增加停泊景點，提升美食車吸引力，但有美食車經營者即刻反撲，批評係政府一直拒聽意見同改善選址咁話。呢個計劃開始至今近四個月，選址問題都係未解決，冇生意做，班經營者自然會結業離場，先導計劃變失敗計劃都係因為Greg蘇辦事不力。