引爆傳巨響 懷孕楊洛婷偕夫驚逃
【本報訊】「聽到『嘭』一聲，我哋擰轉頭望但睇唔到有煙！」懷有五個多月身孕的藝人楊洛婷，與身為樂隊Dear Jane主音的丈夫Tim，事發時身處海港城商場，兩夫婦亦成為「受驚者」。昨日警方進入商場，與保安員協調疏散部分顧客。楊憶述，當時一路有警察到場，着大家盡快離開，她遂與丈夫去停車場「攞車走」，期間聽到「嘭」一聲巨響。另外，亦有被疏散的市民表示有少少緊張，但不相信真有炸彈。
稱胎兒「應該冇事」
楊洛婷事後接受電話訪問時稱：「冇事！」她指與丈夫亦是被疏散的一員，「一路有警察到場，通知商戶同現場人士話疑似有爆炸品，叫大家盡快離開。」她聞訊後即走人，期間警方引爆可疑物體，「知道後即刻上停車場攞車走，之後就聽到一聲巨響，我哋仲擰轉頭望有冇煙，但睇唔到有煙，亦都唔知咩事。」
被問及是否擔心腹中BB受驚，楊稱「應該冇事，OK」。她又透露，夫婦二人不時到上址shopping，「呢輪成日去睇BB嘢！」而離開現場後，她便即與老公到另一個地方撐枱腳，兼與老公合照報平安。
帶着兒子疏散的市民趙先生稱：「炸彈？真係聽都未聽過喎，亦都聽唔到有爆炸聲」，所以未有感到過於驚慌。至於吳太則表示在得悉事件後，「都有少少驚，所以即刻走！」