南亞兵團禍連綿 揭竿起義在眼前

唔係靠嚇o架。海關尋日喺元朗破獲私煙竇並拘捕一名孟加拉籍聲請漢，話口未完，深水埗又有巴基斯坦籍男子懷疑因為追債，光天化日下追斬另一名持行街紙嘅同鄉；前排有女士懷疑被巴籍漢灌醉強姦，加埋南亞兵團爭地盤開大片、搶劫、爆竊、販毒以至充當黑社會僱傭兵，無惡不作，成個香港就係咁畀佢哋搞到烏煙瘴氣，七國咁亂。

正所謂︰沒有人是孤島，不要問喪鐘為誰而敲，喪鐘為你我而敲。大家有眼見，假難民罪案就好似癌細胞咁，短短幾年間從人稱「人間妖域」嘅蘭桂坊，迅速擴散到全香港，冇人可以擔保自己唔會成為下一個受害者。以重災區九龍西為例，深水埗北河街、桂林街等七條街唔單止係草根弱勢群體聚居地，更係南亞幫大本營所在，有所謂「南亞七街」之稱，人人望而生畏，儼然有當年九龍城寨「三不管地帶」嘅影子。近年愈來愈多港人移民，除咗因為民生凋敝，政治紛亂，南亞兵團肆虐，香港淪為危城，走遲啲容乜易命都冇o架！

一日最衰都係呢個冇神經政府。雖然第四權鍥而不捨踢爆假難民禍港亂象，當局終於肯正視問題，但又驚畀班偽善政客同「人權鬥士」批評「違反人權」，既唔敢退出國際難民公約，亦唔敢重設禁閉式難民營。係人都知，假難民來港食大茶飯誘因一日存在，即使警方點樣嚴厲執法，入境處點樣加快審批，都只能治標不治本。更何況司法機構效婦人之仁，法援署慷納稅人之慨，唔係重金禮送假難民返鄉，就係用納稅人血汗錢補貼佢哋打官司，同開門揖盜咯冇乜分別，咁搞法，香港唔變假難民「第一收容港」至奇。

歌仔都有得唱︰「男兒天職保家眷，兒啼妻哭，內心繚亂。」既然政府靠唔住，惟有自己家眷自己保，無論係近年歐洲各地針對難民嘅遊行示威，抑或係元朗居民倡議復辦「更練團」，通通都係呢個道理。講起更練團，當年之所以喺香港出現，就係因為開埠初期警力不足，罪案頻仍，華人領袖為保身家性命財產，奏請時任港督麥當奴批准成立一支更練團巡邏。咸豐年代嘅產物居然要重出江湖，港產官僚究竟知唔知個「醜」字點寫？

咪話功夫茶唔警告，南亞兵團禍連綿，揭竿起義在眼前。港府繼續麻木不仁，等到老百姓振臂一呼「天下苦秦久矣」至嚟補鑊，為時晚矣！