政情：陳細潔聖地牙哥畀人圍住鬧
一個人去旅行好易遇到驚險事，保良局主席陳細潔（Abbie）成日一個人去旅行，佢就試過喺聖地牙哥被一班人圍住嚟鬧，當時佢真係好驚會被人打，好彩最後有驚無險咋！
拒絕跳舞邀請 被指唔尊重
Abbie話當年一個人去郵輪上食飯，有個男人想請佢跳舞，佢唔想，於是推咗嗰位男士。點知隔咗一陣，就有一班人過嚟圍住佢，好惡咁用英文鬧佢唔尊重對方。
Abbie話當時真係驚到震晒，不過佢扮鎮定，唔出聲。當時聖地牙哥唔係隨街有的士，又冇手提電話，佢出咗去之後就急急走去電話亭，關起電話亭嘅門電召的士，當時真係好驚啲人會追住佢嚟打。經此一役，佢學識咗講嘢語氣唔好咁「掘」喇！