我有正能量:義剪傳愛

「個個人都有剪髮嘅需要,剪完個人先會有自信」,正是這一個想法,令一班髮型師參與義剪行動「易剪義」,到處為老人義務剪髮。助人為快樂之本,除了得到心靈上的滿足感,更令他們體會到愛要及時。

入行做髮型師已有十多年的Alex,於一四年成立「易剪義」,原因既想幫人,亦想自助,「當時覺得如果可以多啲練習機會,自己都會進步得快啲。」他表示,計劃至今已出動過百次,即使現時已成為行內的「師傅」,但仍保持每月三至四次義剪。他說:「每一次剪髮都係了解一個人嘅機會,當你同我傾偈,我哋就好似建立咗一種無形嘅關係。」而且老人家出門不方便,不能經常出入髮型屋,義剪正可幫助他們。

見到笑容 心靈滿足

Alex曾到訪過多間護老院,見證生離死別,他憶述,曾為不少患重病的老人服務,「我希望佢哋走嘅時候整整齊齊,乾乾淨淨,係對佢哋嘅一種尊重。」提到最深刻的一次,則要數他在外婆居住的社區義剪,「外婆舊年走咗,佢生前同啲街坊好熟,成日幫人,我想傳承佢呢種精神。」因此Alex在外婆居住超過二十年的屯門大興邨進行義剪,「好多街坊同我講番外婆有幾好人,佢哋經歷過咩趣事,令我更加認識佢,但好可惜佢已經唔喺度。」他坦言,曾後悔為何不早點舉行活動,與其同樂。

愛,要及時。服務老人也非一定如斯沉重,每當看到受惠者的笑容,一眾髮型師便感受到滿滿的正能量。七十四歲的曾婆婆,雖身體狀況良好,但因行動不便難以自行前往剪髮。遇到「易剪義」行動,笑言可以「執番靚個頭」,「覺得好開心,剪得好靚」,她更稱讚這班年輕人「好有心」。

身體力行 互相感染

「到我老咗,我都想有人幫我剪頭髮」,由組織成立開始已參與義剪的十六指出,做義工正是要身體力行,互相感染,「你幫人時,其他人自然會幫番你,就係咁傳開去。」每次參與義工行動,義工們都可能要花上一整日時間,放棄休息時間,每人剪十多個頭。但得到受惠者的回應,也就疲累全消。有一年義剪經驗的Brown稱,做義工時,雖然重複一樣的工作,卻比真正工作時來得更開心,更笑言「呢一年剪咗咁多,我都有一班支持者!」

圖:甘偉倫

文:萬穎俐

第一手消息請下載on.cc東網iPhone/iPad/Android/Windows Phone Apps