政情：收料站：梁耀忠幫立會外判工爭福利

現時立法會嘅清潔、電視廣播系統操作方面係由外判服務承辦商負責，阿忠透露，依家立法會清潔工嘅人工好低，再加上冇乜福利，所以先寫信去行管會。不過行管會回應佢時就否認事件，話立法會秘書處嘅職員係需要協助外判工，大家有清晰嘅工作範圍，唔會重疊咁話喎。

有議員提議取消外判

阿忠又關注外判服務投標過程，擔心立法會會以「價低者得」作評標原則，搞到出現服務質素問題。行管會回應，話依家嘅承辦商喺上年第四季投到新合約後，所畀嘅人工係比政府統計處公布一般清潔工平均每月薪金仲高。

據悉，行管會早前喺會議上都有傾過，但由於最新嘅標書已通過，所以依家可以做嘅只係檢討，希望嚟緊下一次會有改善空間。除咗阿忠，亦有部分議員認同要改善外判工嘅福利，甚至有議員希望立法會唔好再外判，改由自己請番，以提高穩定性。