機師激活浮囊阻直升機下沉
【本報訊】外國傳媒連日均有報道挪威的直升機意外，更把事件中的直升機機師Quentin形容為英雄。Quentin講述險象環生的事發經過，直指當升直機墮海後，他激活了直升機的緊急浮動浮囊，阻止它下沉造成傷亡。
事發後五日，Quentin憶述事發經過時坦言：「我首要目的係唔好同隻船相撞，如果唔係後果係相當嚴重！第二樣係以非致命的方式降落呢架幾乎不受控的直升機，結果係做到嘅，最後係撤離直升機，亦係一大挑戰！」
折返現場救兩友
他表示當時直升機慢慢下沉，自己逃出機外後，始發現兩名朋友仍未逃生：「我唔可以再等，我感覺到架直升機沉緊，我唔想架機同埋佢哋一齊沉！」他隨即折返直升機，激活緊急浮動浮囊，阻止架機下沉：「（公司）教你出事後唔好上番機，但個人而言，我從來唔相信（佢哋）。」他稱幾經辛苦返回直升機：「之後David出現，佢講到嘢同埋好似都Ok，我就再入直升機，因為Charles（陳國強）未見影，我於黑暗中只係摸到隻手，我即時大力拉起，之後就拉起Charles！」Quentin指事件是意外，無人需要負上責任。
Quentin為著名機師，更是首名以直升機穿梭北極與南極的人，為健力士世界紀錄保持者。